CARMEN XV
Commendo tibi me ac meos amores,
Aureli. Veniam peto pudentem,
ut, si quicquam animo to cupisti,
quod castum expeteres et integellum,
conserves puerum mihi pudice,
non dico a populo − nihil veremur
istos, qui in platea modo huc modo illuc
in re praetereunt sua occupati −
verum a te metuo tuoque pene
infesto pueris bonis malisque.
|
5
10
|
Quem tu qua lubet, ut lubet, moveto
quantum vis, ubi erit foris paratum:
hunc unum excipio, ut puto, pudenter.
Quod si te mala mens furorque vecors
in tantam impulerit, sceleste, culpam,
ut nostrum insidiis caput lacessas,
a tum te miserum malique fati!
Quem attractis pedibus patente porta
percurrent raphanique mugilesque.
|
15
|
|
